Ye Banks And Braes Lyrics by Burns Robert

Ye Banks and Braes
(Robert Burns)

Ye banks and braes o' bonnie Doon
How can ye bloom sae fresh and fair?
How can ye chaunt, ye little birds,
And I sae weary, fu' o' care.
Ye'll break my heart, ye warbling birds
That wanton through the flowery thorn,
Ye mind me o' departed joys,
Departed, never to return.

Oft hae I roved by bonnie Doon
To see the rose and woodbine twine,
And ilka bird sang o' its love,
And fondly sae did I o' mine.
Wi' lightsome heart I pu'd a rose
Fu' sweet upon its thorny tree
But my fause lover stole my rose,
And Ah! he left the thorn wi' me.


Second Version

Ye banks and braes o' bonnie Doon,
How can ye bloom sae fresh and fair?
How can ye chant, ye little birds,
And I sae weary, fu' o' care!

Thou'll break my heart, thou warbling bird,
That wantons thro' the flowering thorn:
Thou minds me o' departed joys,
Departed never to return.

Aft hae I rov'd by bonnie Doon,
To see the rose and woodbine twine:
And ilka bird sang o' its Luve,
And fondly sae did I o' mine.

Wi' lightsome heart I pu'd a rose,
Fu' sweet upon its thorny tree!
But may fause Luver staw my rose,
And ah! She left the thorn wi' me.

(* This song is also called "The Banks O' Doon".
It was written by Robert Burns in 1791.
There are three versions of this song all written by Burns.
The Doon is a River in Scotland.)

[Thanks to balokbhattacharjee436 for correcting these lyrics]