Wold God That Men Myght Sene Lyrics

Wold God that men myot sene
Hertys whan thei bene,
For thynges that bene untrew.
If yt be as I wene,
Thyng that semyth grene,
Ys ofte fadyd of hew.

Wyll ys tak for reson,
Trew love is full geson,
No man sett be shame;
Trost ys full of treson,
Echy man oderys cheson,
No man hym seylfe wyll blame.

Thys warlde ys varyabyll,
Nothyng therin ys stable,
Asay now how so wyll.
Syn yt is so mutable
How shuld me be stable,
Yt may not be thorow skyll.

Whan brome wyll appelles bere,
And hymloke hony in feere,
Than sek rest in lond.
With men is no pees
Ne rest in hart is no lese
With few be see and song.

Sythyn ther is no rest,
I hold it for the best
God to owr frend;
He that ys owr Lord,
Delyver us out with hys word,
And graunt us a good ende.

Back to: Christmas Carols