Man Be Mery I The Rede Lyrics

Man be joyfulle and myrth thou make,
For Crist ys made man ffor thy sake.

Man be mery I the rede,
But be whar what merthis thou make;
Crist ye clothed yn thy wede,
And he ys made man for thy sake.

He cam ffro hys ffader sete,
Into this worlde to be thy make;
Man be war how thou hym trete,
For he ys made man for thy sake.

Loke thou mercy ewyr crye,
Now and alleway, rathe and late;
And he wille sette the wonder hye,
For he ys made man for thy sake.

Back to: Christmas Carols